ԵՐԵՎԱՆ, 22 ապրիլի – Sputnik. ԱՄՆ-ն ձգտում է անհնարին դարձնել Մոսկվայի և Կիևի միջև կարգավորումը։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան «Ռոսիա 24» հեռուստաալիքի եթերում։
Ավելի վաղ, ԶԼՄ-ների տվյալներով, ԱՄՆ պետդեպարտամենտի մամուլի քարտուղար Նեդ Փրայսը հայտարարել էր, որ ուկրաինական ուժերը դեռ պահում են Մարիուպոլը: Շոյգուի հայտարարությունն այն մասին, որ Մարիուպոլի քաղաքային մասը գտնվում է ռուսական բանակի վերահսկողության տակ, ամերիկացի պաշտոնյան ապատեղեկատվություն էր անվանել:
ՌԴ ԱԳՆ–ի ներկայացուցչի խոսքով՝ հենց ԱՄՆ Պետդեպարտամենտն է Մարիուպոլի վրա վերահսկողության թեմայով ապատեղեկատվություն տարածում։
«Ինչի՞ համար։ Պատճառները մի քանիսն են։ Հավանաբար այն պատճառով, որ լիովին ապակողմնորոշեն Ուկրաինայի քաղաքացիներին, այնտեղ (Մարիուպոլում) գտնվող մարդկանց, որպեսզի կասկածի տակ դնեն բանակցային գործընթացի ցանկացած հնարավորություն»,- ասել է Զախարովան։
Նա հավելել է, որ այս ամենի նպատակն է իմաստազրկել բանակցային գործընթացի հիման վրա կարգավորման բուն հասկացողությունը:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Հատուկ գործողության նպատակը Ուկրաինայի ապառազմականացումն է ու ապազգայնականացումը, ինչպես նաև նրան չեզոքության մղելը։
Ուկրաինայում մարտական գործողություններն ընթանում են արդեն 58-րդ օրը։