ԵՐԵՎԱՆ, 21 ապրիլի – Sputnik. ԱԻՆ բարձրաստիճան պաշտոնյաների կողմից կաշառք ստանալու և այլ չարաշահումներ կատարելու փաստերով քրեական գործով մեղադրյալների թիվն ավելացել է՝ 8-ից դառնալով 20: Տեղեկությունը Sputnik Արմենիայի հետ զրույցում հայտնեցին Հակակոռուպցիոն կոմիտեից:
«20 մեղադրյալներից 6-ը, այդ թվում՝ արտակարգ իրավիճակների նախկին նախարար Անդրանիկ Փիլոյանը, կալանավորված են, մյուսները ստորագրությամբ ազատ են արձակվել»,–նշեցին կոմիտեից:
Նշենք, որ քննվող քրեական գործի շրջանակներում ներգրավված են արտակարգ իրավիճակների նախկին նախարար Անդրանիկ Փիլոյանը, վերջինիս խորհրդականը, ինչպես նաև ԱԻ նախարարության աշխատակիցներ, այդ թվում` տարբեր ստորաբաժանումների ղեկավարներ:
Հիշեցնենք, որ ԱԻ նախկին նախարար Անդրանիկ Փիլոյանը մարտի 31-ին 2 ամսով կալանավորվեց. նա մեղադրվում է կաշառք վերցնելու մեջ։
Ապրիլի 1-ին Փիլոյանն ազատվեց պաշտոնից։ Ապրիլի 12–ին ԱԻՆ նախարար նշանակվեց Արմեն Փամբուխչյանը։