ԵՐԵՎԱՆ, 20 ապրիլի – Sputnik. ՄԱԿ-ի գլխավոր քարտուղար Անտոնիո Գուտերեշը դիմել է ՌԴ և Ուկրաինայի նախագահներին՝ խնդրելով նրանց հյուրընկալել իրեն Մոսկվայում և Կիևում: ՌԻԱ Նովոստիի փոխանցմամբ՝ ճեպազրույցի ժամանակ տեղեկությունը հայտնել է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը։
Դյուժարիկի խոսքով՝ համապատասխան նամակները նախօրեին փոխանցվել են ՄԱԿ-ին առընթեր ՌԴ-ի և Ուկրաինայի մշտական ներկայացուցչություններին:
«Այդ նամակներում գլխավոր քարտուղարը ՌԴ նախագահ Վլադիմիր Պուտինին խնդրում է հյուրընկալել իրեն Մոսկվայում, իսկ նախագահ Վլադիմիր Զելենսկուն՝ Կիևում»,- ասել է Դյուժարիկը:
Նրա խոսքով՝ գլխավոր քարտուղարը կցանկանար քննարկել Ուկրաինայում խաղաղության հաստատման հրատապ քայլերը, ինչպես նաև խոսել մուլտիլատերիալիզմի ապագայի մասին (միջազգային արտաքին տնտեսական հարաբերությունների կազմակերպում՝ հիմնված այն մեխանիզմների վրա, որոնք թույլ են տալիս յուրաքանչյուր երկրին օգտվել բոլոր գործընկերների հետ հարաբերությունների արտոնություններից, - խմբ.)։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Հատուկ գործողության նպատակը Ուկրաինայի ապառազմականացումն է ու ապազգայնականացումը, ինչպես նաև նրան չեզոքության մղելը։
Ուկրաինայում մարտական գործողություններն ընթանում են արդեն 56-րդ օրը։