ԵՐԵՎԱՆ, 20 ապրիլի – Sputnik. Հայրենական մեծ պատերազմի մասնակիցներին նվիրված «Անմահ գունդ» ակցիան այսօրվանից մեկնարկել է, այն այս տարի կրկին առցանց կանցկացվի։
«Հայաստանի Անմահ գունդ» հասարակական կազմակերպության նախագահ Գոհար Ղումաշյանը հայտնել է, որ ակցիային մասնակցելու համար անհրաժեշտ է սոցիալական ցանցերում տեղադրել Հայրենական մեծ պատերազմի մասնակցի լուսանկարը, պատմել նրա մասին։
Պետք է նաև նշել հետևյալ հեշթեգերը` #БессмертныйполкАрмении2022 #հայաստանիանմահգունդ2022 #ПолкАрмении #Անմահգունդ
Հաղթանակի օրը տեղի կունենա «Պատերազմ հանուն հաղթանակի» ֆիլմի պրեմիերան: Ֆիլմը կցուցադրվի Երևանում, ինչպես նաև այլ քաղաքներում (նախապես՝ Գյումրի, Վանաձոր և Կապան): Կինոցուցադրումը Երևանում տեղի կունենա մայիսի 9-ին՝ ժամը 15:00-ին, «Մոսկվա» կինոթատրոնում:
Մուտքն ազատ է։