ԵՐԵՎԱՆ, 19 ապրիլի – Sputnik. ՌԴ ԶՈւ-ն բարձր ճշգրտության հրթիռների հարվածներով ոչնչացրել է Ուկրաինայի 180 զինվորական և 15 միավոր զրահատեխնիկա։ Այս մասին ճեպազրույցի ժամանակ հայտնել է Ռուսաստանի պաշտպանության նախարարության պաշտոնական ներկայացուցիչ գեներալ-մայոր Իգոր Կոնաշենկովը։
«Օդային տեղակայման բարձր ճշգրտության հրթիռներով հարվածի արդյունքում երկու հենակետ է խոցվել Կալինովո-Պոպասնոյե շրջանում և հակառակորդի կենդանի ուժի ու ռազմական տեխնիկայի կենտրոնացման վեց շրջան՝ Միրնոյե, Սլավյանսկ և Պոպասնոյե շրջաններում։ Ոչնչացվել է անձնակազմից մինչև 180 մարդ և 15 միավոր զրահատեխնիկա»,-ասել է նա։
Նա հավելել է, որ Բարվենկովո բնակավայրի շրջանում ոչնչացվել է «Բուկ-Մ1» զենիթահրթիռային համալիրի մեկնարկային կայանքը:
Կոնաշենկովի խոսքով՝ Ռուսաստանի օդատիեզերական ուժերի օպերատիվ-մարտավարական ավիացիան մեկ օրում խոցել Է Ուկրաինայի 31 ռազմական օբյեկտ:
«Այդ թվում ոչնչացվել է․ Ռազդելնոյե և Նովոգրոդովկա բնակավայրերի շրջանում՝ երկու կառավարման կետ և ուկրաինական կենդանի ուժի ու ռազմական տեխնիկայի կուտակման 28 վայր, ինչպես նաև Պրիվոլյեի շրջանում՝ համազարկային կրակի ռեակտիվ համակարգերի զինամթերքի պահեստ»,-ասել Է գեներալը:
Ռուսական պաշտպանական գերատեսչության պաշտոնական ներկայացուցիչը հայտնել է նաև, որ հատուկ գործողության ընթացքում ոչնչացվել է Ուկրաինաի 140 ինքնաթիռ և 490 անօդաչու թռչող սարք:
Կոնաշենկովի խոսքով՝ ոչնչացվել է նաև 2367 տանկ և այլ մարտական զրահապատ մեքենաներ, համազարկային կրակի ռեակտիվ համակարգերի 256 կայանք, 1021 դաշտային հրետանու հրանոթ և ականանետ, 2225 միավոր հատուկ ռազմական ավտոմոբիլային տեխնիկա:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Հատուկ գործողության նպատակը Ուկրաինայի ապառազմականացումն է ու ապաազգայնականացումը, ինչպես նաև նրան չեզոքության մղելը։
Ուկրաինայում մարտական գործողություններն ընթանում են արդեն 55-րդ օրը։