ԵՐԵՎԱՆ, 17 ապրիլի — Sputnik. Ռուսաստանը կարող է դիմանալ Արևմուտքի հետ ներկայիս առճակատմանը։ Նման կարծիք է հայտնել ՌԴ նախագահի մամուլի քարտուղար Դմիտրի Պեսկովը:
«Մենք կարող ենք»,- ասել է նա՝ «Ռոսիա-1»-ի հեռուստաալիքի «Մոսկվա. Կրեմլ. Պուտին» հաղորդման եթերում պատասխանելով հարցին, թե կկարողանա՞ արդյոք ՌԴ-ն դիմակայել արևմտյան աշխարհին, եթե ԽՍՀՄ-ին դա ժամանակին չհաջողվեց:
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Հատուկ գործողության նպատակը Ուկրաինայի ապառազմականացումն է ու ապաազգայնականացումը, ինչպես նաև նրան չեզոքության մղելը։
Արևմտյան երկրները բազմաթիվ պատժամիջոցներ են սահմանել՝ ի պատասխան հատուկ գործողության։ Մի շարք ընկերություններ հայտարարել են ռուսական շուկայից հեռանալու և երկրում արտադրությունները փակելու մասին։
Ռուսաստանի ԱԳ նախարար Սերգեյ Լավրովը նշել է, որ ընկերությունները, որոնք հրաժարվում են աշխատել Ռուսաստանի հետ, դա արել են հսկայական ճնշման տակ, սակայն Ռուսաստանը կլուծի տնտեսության հետ կապված բոլոր խնդիրները, որոնք ստեղծում է Արևմուտքը:
Ուկրաինայում մարտական գործողություններն ընթանում են արդեն 53-րդ օրը։