ԵՐԵՎԱՆ, 14 ապրիլի – Sputnik. ԱԺ-ն գաղտնի քվեարկությամբ միաձայն հաստատեց Հանրային ծառայությունները կարգավորող և Մրցակցության պաշտպանության հանձնաժողովների` իշխանության առաջադրած թեկնածուներին։
Հանրային ծառայությունները կարգավորող հանձնաժողովի անդամի թափուր պաշտոնում 67 կողմ, 0 դեմ ձայնով վերընտրվեց ՀԾԿՀ անդամ Սեդա Շահինյանը, որն այդ պաշտոնում նշանակվել էր 2019թ–ին։
Մրցակցության պաշտպանության հանձնաժողովի անդամի պաշտոնում 67 կողմ ձայնով ընտրվեց ՀՀ կառավարության կողմից առաջադրված Տիգրան Մարկոսյանը, որը նույնպես այդ պաշտոնում 3 տարի առաջ էր նշանակել և որի պաշտոնավարման ժամկետն ավարտվում է մայիսի 13-ին։
Նույն հանձնաժողովի անդամի թափուր տեղի համար ԱԺ «Քաղաքացիական պայմանագիր» խմբակցության առաջադրած պատգամավոր Անուշ Բեղլոյանն էլ ընտրվեց 66 կողմ ձայներով։ Քվեարկությանը մասնակցած 67 պատգամավորներից մեկի քվեաթերթիկը հաշվիչ հանձնաժողվն անվավեր էր համարել։
Հիշեցնենք` ՄՊՀ անդամի միասնական թեկնածու էին առաջադրել նաև ԱԺ ընդդիմադիր «Հայաստան» և «Պատիվ ունեմ» խմբակցությունները։
Բայց քանի որ նրանք խորհրդարանի նիստը բոյկոտել են, հարցի քննարկումը հետաձգվեց։
Նշենք, որ ընդդիմության թեկնածուն Անահիտ Սարգսյանն է, որը 2010թ-ից եղել է ՏՄՊՊՀ նախագահի օգնական, խորհրդական, աշխատակազմի ղեկավար։ 2017-19թթ-ին եղել է հանձնաժողովի անդամ։