ԵՐԵՎԱՆ, 11 ապրիլի – Sputnik. Պակիստանի խորհրդարանի ստորին պալատը վարչապետ ընտրեց Շեհբազ Շարիֆին։ Տեղեկությունը հայտնում է ՌԻԱ Նովոստին` հղում անելով պակիստանյան ԶԼՄ–ներին։
Նշվում է, որ Շարիֆը Պակիստանի ընդդիմադիր մուսուլմանական լիգայի ղեկավարն է։ Նա Նավազ Շարիֆի (երեք անգամ Պակիստանի վարչապետն է եղել) կրտսեր եղբայրն է։
Ավելի վաղ Պակիստանի խորհրդարանն անվստահություն էր հայտնել վարչապետ Իմրան Հանին։ Այդ որոշմանը կողմ էին քվեարկել պատգամավորներից 174-ը։
Նոր թեկնածուի քվեարկությունից առաջ Հանի «Տեխրիկ–ի–Ինսաֆ» կուսակցությունը դուրս էր եկել խորհրդարանի կազմից։ Քաղաքական այդ ուժը խորհրդարանի ստորին պալատում 155 մանդատ ուներ (ընդհանուր մանդատների քանակը 342 է)։