ՀՀ նախագահը մի շարք երկրներում դեսպաններ է նշանակել

ԵՐԵՎԱՆ, 8 ապրիլի – Sputnik. ՀՀ նախագահ Վահագն Խաչատուրյանը մի շարք երկրներում դեսպաններ է նշանակել, հայտնում են նախագահականի մամուլի ծառայությունից։

Այսպես, Իտալիայի Հանրապետությունում Հայաստանի Հանրապետության արտակարգ և լիազոր դեսպան Ծովինար Համբարձումյանին, համատեղության կարգով, նշանակվել է Մալթայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Հռոմ)։

Նախագահի մեկ այլ հրամանագրով Արմեն Ղեվոնդյանը նշանակվել է Ղազախստանի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Նուր-Սուլթան):

«Հիմք ընդունելով վարչապետի առաջարկությունը` համաձայն Սահմանադրության 132-րդ հոդվածի 1-ին մասի 2-րդ կետի, ինչպես նաև «Դիվանագիտական ծառայության մասին» օրենքի 14-րդ հոդվածի 1-ին մասի.Արմեն Ղեվոնդյանին նշանակվել Ղազախստանի Հանրապետությունում Հայաստանի Հանրապետության արտակարգ և լիազոր դեսպան»,–ասված է հաղորդագրության մեջ։

Մեծ Բրիտանիայի և Հյուսիսային Իռլանդիայի Միացյալ Թագավորությունում Հայաստանի Հանրապետության արտակարգ և լիազոր դեսպան Վարուժան Ներսեսյանն այժմ, ՀՀ նախագահի հրամանագրով, կկատարի նաև

Իռլանդիայում Հայաստանի Հանրապետության արտակարգ և լիազոր դեսպան (նստավայրը՝ Լոնդոն)։

Իսկ Իսպանիայի Թագավորությունում Հայաստանի Հանրապետության արտակարգ և լիազոր դեսպան Սոս Ավետիսյանը, համատեղության կարգով, կկատարի նաև Անդորրայի Իշխանապետությունում Հայաստանի Հանրապետության արտակարգ և լիազոր դեսպանի պարտականությունները (նստավայրը՝ Մադրիդ)։