ԵՐԵՎԱՆ, 5 ապրիլի - Sputnik. Շվեդիան արտաքսում է Ստոկհոլմում Ռուսաստանի դեսպանատան երեք աշխատակիցների։ Այս մասին հայտնում են Շվեդիայի լրատվամիջոցները՝ վկայակոչելով երկրի ԱԳ նախարար Անն Լինդեին։
«Շվեդիան արտաքսում է Ստոկհոլմում Ռուսաստանի դեսպանատանն աշխատող երեք դիվանագետների։ Շվեդիայի արտաքին գործերի նախարար Անն Լինդեն ասուլիսում հայտարարել է, որ նրանք Վիեննայի կոնվենցիային համապատասխան չեն աշխատել»,- ասված է հաղորդագրության մեջ:
Ավելի վաղ հայտնի էր դարձել, որ Դանիան որոշել է Ռուսաստանի 15 դիվանագետների արտաքսել երկրից, իսկ Իտալիան՝ 30: