ԵՐԵՎԱՆ, 5 ապրիլի – Sputnik. Հարավկորեացի ռեժիսոր, սցենարիստ Հվան Դոն Հյոկը խոստացել է 2024 թվականի վերջին ներկայացնել «Կաղամարի խաղը» սերիալի երկրորդ եթերաշրջանը, հայտնում է ՌԻԱ Նովոստին։
Նա հավելել է, որ նոր սերիաների սցենարից արդեն երեք էջ գրել է։
Ավելի վաղ Netflix սթրիմինգային ծառայությունը հաստատել էր, որ «Կաղամարի խաղը» սերիալը երկրորդ եթերաշրջան կունենա։
«Կաղամարի խաղը» սերիալը դարձել է Netflix սթրիմինգային ծառայության ողջ պատմության մեջ ամենամասշտաբային նախագիծը: «Կաղամարների խաղը» պատմում է կերպարների մասին, որոնք բախվել են ֆինանսական բարդություների և որոշել են կղզի մեկնել՝ մասնակցելու ողջ մնալու խաղին։ 40 միլիոն դոլար շահելու համար հարկավոր է վեց մանկական խաղ անցնել։ Միայն թե, բոլոր պարտվողներն անխուսափելիորեն մահանում են։ Այժմ այն աշխարհի 94 երկրներում գլխավորում է Netflix-ի թոփը։
«Կաղամարի խաղը» ( «Игра в кальмара», «Squid Game») սերիալն ավելի ու ավելի լայն ճանաչում ու տարածում է ստանում։ Այն հարավկորեական առաջին ֆիլմն է, որը հայտնվել է Netflix-ի թոփ-ցանկի առաջին հորիզոնականում, ինչպես նաև դարձել է Netflix-ի ամենահանրաճանաչ սերիալը։
Ֆիլմը սկսել է ցուցադրվել 2021թ–ի սեպտեմբերի 17-ից ու արդեն 891 միլիոն դոլար եկամուտ է բերել։ Մասնագետները կարծում են, որ այդպիսի հաջողություն նույնիսկ ինքը՝ Netflix-ը, չէր ակնկալում։