Բեզոարյան այծերը «որոշել» են երկուշաբթի առավոտյան մի փոքր տեսանկարահանվել, հետո միայն անցնել իրենց «բան ու գործին»։ «Խոսրովի անտառ» պետական արգելոցը ֆեյսբուքյան իր էջում տեսանյութ է հրապարակել, որում երևում է, թե ինչպես են բեզոարյան այծերը թռչկոտելով ինչ–որ տեղ գնում միասին։
«Հրաշքները։ Բարի լույս և արդյունավետ աշխատանքային շաբաթ»,–գրված է տեսանյութին կից։
Հիշեցնենք՝ Հայաստանի Հանրապետությունում հանդիպում է բեզոարյան այծի կովկասյան ենթատեսակը։ Այն սնամեջ եղջերավորների ընտանիքին պատկանող լեռնային վայրի այծ է, որը գրանցված է Հայաստանի Հանրապետության Կարմիր գրքում։