ԵՐԵՎԱՆ, 4 ապրիլի - Sputnik. ԱՄՆ նախագահ Ջո Բայդենը վստահ է, որ իր որդին՝ Հանթերը, որի գործունեությունն Ուկրաինայում դարձել է դաշնային դատախազների հետաքննության առարկա, չի խախտել օրենքը: Ինչպես հայտնում է ՌԻԱ Նովոստին, այս հայտարարությունն արել է Սպիտակ տան աշխատակազմի ղեկավար Ռոն Քլայնը։
«Իհարկե, նախագահը վստահ է, որ իր որդին օրենքը չի խախտել», - ասել է պաշտոնյան ABC հեռուստաալիքի եթերում:
Նա նշել է, որ Սպիտակ տունը Հանթեր Բայդենի գործի քննության ընթացքը չի քննարկել է արդարադատության նախարարության հետ։
Հիշեցնենք, որ ԱՄՆ-ում մեծ աղմուկ է բարձրացրել Բայդեն Կրտսերի նկատմամբ հարկային հետաքննությունը։ Դատախազությանը հետաքրքրում են այն վճարումները, որոնք նա ստացել է ուկրաինական «Burisma» գազային ընկերության տնօրենների խորհրդում աշխատելու ժամանակ։ Ռուսաստանում կասկածում են, որ նախագահի որդու ներդրումային հիմնադրամը ֆինանսավորել է Ուկրաինայի տարածքում կենսաբանական զենքի մշակումները։