ԵՐԵՎԱՆ, 2 ապրիլի – Sputnik. Ռուսական զորքերը շարքից հանել են Պոլտավայի մարզի «Միրգորոդ» ռազմական օդանավակայանը, ոչնչացվել են ուկրաինական միքանի մարտական ուղղաթիռներ և ինքնաթիռ, ինչպեսնաև վառելիքի և ավիացիոն միջոցների պահեստարաններ: Այդ մասին հայտարարել է Ռուսաստանի պաշտպանության նախարարության պաշտոնական ներկայացուցիչ, գեներալ-մայորԻգոր Կոնաշենկովը:
Բացի այդ, նրա խոսքով, «Լոզովայա» և «Պավլոգրադ» երկաթուղային կայարանների շրջաններում օդային տեղակայման բարձր ճշգրտության հրթիռներով ոչնչացվել է զրահատանկային տեխնիկա, զինամթերք և վառելիքով լի ցիստեռններ, որոնք ուղևորվում էին Դոնբասում ուկրաինական զորքերի խմբավորումն ուժեղացնելու:
«Մարտի 31-ին «Իսկանդեր» համալիրով Խարկով քաղաքի օպերատիվ-մարտավարական շտաբին հասցրած բարձր ճշգրտության հարվածի արդյունքում հաստատվել է ավելի քան 100 ազգայնականի և արևմտյան երկրներից եկած վարձկանների ոչնչացումը»,-ասել է Կոնաշենկովը:
Նրա խոսքով՝ օրվա ընթացքում Ռուսաստանի օդատիեզերական ուժերի օպերատիվ-մարտավարական ավիացիան խոցել է Ուկրաինայի 28 ռազմական օբյեկտ, այդ թվում՝ հրթիռահրետանային սպառազինության և զինամթերքի երկու պահեստ, ինչպես նաև ԶՈւ մարտական տեխնիկայի կենտրոնացման 23 շրջան։
Հատուկ գործողության մեկնարկից ի վեր ոչնչացվել է 125 ուկրաինական ինքնաթիռ, 1888 տանկ, 381 ԱԹՍ և 88 ուղղաթիռ:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 38–րդ օրը։