ԵՐԵՎԱՆ, 1 ապրիլի – Sputnik. Հայաստանի ազգային հավաքականի ավագ Վարազդատ Հարոյանը բարեհաջող վիրահատության է ենթարկվել Կադիսում (Իսպանիա): Տեղեկությունը հայտնում է Հայաստանի ֆուտբոլի ֆեդերացիան։
«Ապաքինման ժամկետները հայտնի կդառնան ավելի ուշ»,– նշված է հաղորդագրության մեջ:
ՀՖՖ–ն առողջություն է մաղթել ֆուտբոլիստին։
Հիշեցնենք` մարտի 29-ին Օսլոյում կայացած Նորվեգիա-Հայաստան ընկերական հանդիպման ընթացքում վնասվածքներ էին ստացել Հայաստանի ազգային հավաքականի պաշտպաններ Վարազդատ Հարոյանը և Արման Հովհաննիսյանը:
Հետազոտության արդյունքում Վարազդատ Հարոյանի մոտ ախտորոշվել էր աջ նախաբազկի երկու կոտրվածք, որոնցից մեկը՝ տեղաշարժով:
Նախնական հետազոտության արդյունքում Արման Հովհաննիսյանի մոտ ախտորոշվել էր ձախ ազդրի հետին շրջանի մկանային պատռվածք: