ՌԴ–ի դեմ նոր պատժամիջոցների անհրաժեշտություն կա. Ֆրանսիայի արտգործնախարար

ԵՐԵՎԱՆ, 1 ապրիլի – Sputnik. Ֆրանսիայի արտգործնախարար Ժան–Իվ Լե Դրիանը Տալլինում կայացած մամուլի ասուլիսի ժամանակ հայտարարել է, որ անհրաժեշտ է ՌԴ–ի դեմ պատժամիջոցների նոր փաթեթ սահմանել։ Նրա խոսքերն է մեջբերում ՌԻԱ Նովոստին։

Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։

Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։

Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։

Ուկրաինայում մարտական գործողություններն ընթանում են արդեն 37–րդ օրը։