ԵՐԵՎԱՆ, 30 մարտի – Sputnik. Հոլանդական «Ֆորում հանուն ժողովրդավարության» կուսակցությունը հայտարարել է, որ իրենք չենի լսի Վլադիմիր Զելենսկու առցանց ելույթը Նիդեռլանդների խորհրդարանում: Որոշումը նրանք հիմնավորել են նրանով, որ անտեղի եմ համարում ուկրաինական առաջնորդին «կիսասուրբ» ներկայացնելն ու հակամարտության մեջ նրա կողմից լինելը, հաղորդում է ՌԻԱ Նովոստին:
«Միամտություն է կամ նույնիսկ աբսուրդ է ի դեմս Զելենսկու կիսասուրբ տեսնելը։ Վերջերս նա արգելել է տասնմեկ քաղաքական կուսակցության, ներառյալ երկրի խոշորագույն ընդդիմադիր կուսակցության գործունեությունը: Քննադատորեն տրամադրված հեռուստաալիքներն արգելվել են Ուկրաինայում, չնայած որ մյուս հեռուստաալիքները վերջերս 24 ժամ քարոզչություն են հեռարձակել», - նշել են հոլանդացի խորհրդարանականները:
Նրանք հիշեցրել են, որ Զելենսկին հայտնվել է շատ կասկածելի ֆինանսական գործերում, օրինակ` «Պանամական դոսյեում» ։ Բացի այդ, նրա բանակը հաճախ է նացիստական խորհրդանիշներով ներկայանում։
«Իսկ վերջերս սոցիալական ցանցեր էին արտահոսել կարծես թե անպաշտպան ռուս ռազմագերինների նկատմամբ ամենայն հավանականությամբ ուկրաինական զորքերի կողմից բռնության սոսկալի կադրերը։ Այս ամենից հետո մեր խորհրդարանում նրա տեսաելույթը, մեղմ ասած, ոչ տեղին է դարձնում»,–կարծում են կուսակցությունում։
Նախատեսվում է, որ վաղը` մարտի 31–ին, Զելենսկին տեսաելույթով հանդես կգա Ներկայացուցիչների պալատում (Նիդեռլանդների խորհրդարանի ստորին պալատը)։