ԵՐԵՎԱՆ, 28 մարտի -Sputnik. Heineken խոշորագույն միջազգային գարեջրագործական ընկերությունը հեռանում է ռուսական շուկայից` երկրում իր բիզնեսը փոխանցելով նոր սեփականատիրոջը։ Տեղեկությունը հաղորդում է ՌԻԱ Նովոստին՝ վկայակոչելով ընկերության մամուլի ծառայությանը:
Մարտի սկզբին Heineken-ը հայտարարել էր Ռուսաստան գարեջրի արտահանման դադարեցման, ինչպես նաև երկրում նոր ներդրումային նախագծերի կասեցման մասին:
«Մեր գործունեության` ավելի վաղ հայտարարված ռազմավարության վերանայումից հետո մենք եկել ենք այն եզրակացության, որ Ռուսաստանում Heineken-ի բիզնեսի այլևս անվտանգ չէ: Դրա համար մենք որոշել ենք լքել Ռուսաստանը», -ասված է հաղորդագրության մեջ։
Իր բիզնեսի ռուսական մասը Heineken-ը մտադիր է փոխանցել նոր սեփականատիրոջը, մինչեւ այդ պահը ընկերության բոլոր յոթ գարեջրագործարանները կշարունակեն աշխատել:
Heineken-ը խոշորագույն միջազգային ընկերությունը ռուսական շուկայում է 2002 թվականի փետրվարից, երբ ձեռք է բերվել Սանկտ Պետերբուրգի առաջին գործարանը: Ընկերության պորտֆելում կան մոտ 30 բրենդեր, այդ թվում ՝ Heineken, Amstel Premium Pilsener, Zlaty Bazant, Guiness, ինչպես նաև ազգային ու տարածաշրջանային բրենդեր, ինչպիսիք են «Օխոտան» «Տրի մեդվեդյան», «Ստեփան Ռազինը»: Ընկերության աշխատակիցների թիվը գերազանցում է 82 հազարը։
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 33-րդ օրը։