ԵՐԵՎԱՆ, 28 մարտի – Sputnik. Արագածոտնի մարզում այսօր ճանապարհի անանցանելիության պատճառով վատառողջ երեխային չէին կարողանում տանել հիվանդանոց, հայտնում են ԱԻՆ մամուլի ծառայությունից։
Մարզային ճգնաժամային կառավարման կենտրոն ահազանգը ստացվել է մարտի 28-ին, ժամը 09:53-ին։ Հայտնել են, որ Վարդաբլուր գյուղի ավտոճանապարհի անանցանելիության պատճառով վատառողջ երեխային հիվանդանոց տեղափոխելու համար անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարները Ն․ Հ․-ին (ծնված 2018 թ․), Է․ Հ․-ին և Ա․ Հ․-ին տեղափոխել են Գեղաձոր գյուղ և մոտեցրել ավտոմեքենային։
Փրկարարները Ն․ Հ․-ին (ծնված 2018 թ․), Է․ Հ․-ին և Ա․ Հ․-ին տեղափոխել են Գեղաձոր գյուղ և մոտեցրել ավտոմեքենային։
Պարզվել է, որ Գեղաձոր գյուղի խաչմերուկի մոտակայքում կան արգելափակված ավտոմեքենաներ։ Փրկարարներն արգելափակումից դուրս են բերել մոտ 120 ավտոմեքենա, կարգավորել ավտոճանապարհի երթևեկությունը։