Անցնող շաբաթը հարուստ էր իրադարձություններով ինչպես աշխարհում, այնպես էլ Հայաստանում։ Գարունն այս շաբաթ էլ չշտապեց գալ. փոխարենը, ըստ օդերևութաբանների, այս մարտը եղանակային պատմության մեջ աչքի ընկավ ու առանձնացավ։ Պարզվեց, որ վերջին 40 տարիների ընթացքում ՀՀ–ում մարտին ձյան նման առատ ու երկարատև տեղումներ չէին գրանցվել։
Ցուրտ ու ձնառատ մարտն էլ ավելի ցուրտ է Արցախում, որտեղ արդեն տևական ժամանակ է գազ չկա. ադրբեջանցիների ուղիղ միջամտությամբ մարտի 21-ից կրկին դադարեցվել է Արցախի գազամատակարարումը։
Գազից առաջացած պայթյունը կրկին կյանք խլեց, Երևանում՝ Արին Բերդ փողոցում։ Պայթյունի հետևանքով 19-ամյա մարտունեցի ուսանող մահացավ։
Սահմանային իրավիճակը կրկին լարվեց, ադրբեջանական կողմը կրկին հարձակման անցավ, կիրառվեցին ԱԹՍ-ներ, այդ թվում՝ «Bayraktar TB-2»: Հայկական կողմ ունեցավ վիրավորներ, ցավոք, նաև զոհեր։
Ունեցանք նաև հաղթանակ. ՌԴ-ում կայացած պարալիմպիկ միջազգային խաղերից հայկական պատվիրակությունը ոսկե մեդալով վերադարձավ։
Շաբաթվա մյուս հետաքրքիր իրադարձությունները՝ լուսանկարներով։