ԵՐԵՎԱՆ, 26 մարտի – Sputnik. Ական հիշեցնող օտար մարմնի շարժում է նկատվում Բոսֆորի նեղուցի մուտքի մոտ։ Այս մասին հայտնում է Star թուրքական թերթը։
«Օտար մարմնի շարժ է նկատվում Բոսֆորի նեղուցի մուտքի մոտ։ Առափնյա պաշտպանության հրամանատարությունը միջոցներ է ձեռնարկել ականի նման օբյեկտի նկատմամբ, որը ձկնորսները նկատել էին Սարիյեր–Թյուրքելի խարսխակայանի շրջանում»,–նշում է պարբերականը։
Ավելի վաղ ՌԴ ԱԴԾ–ն հայտնել էր, որ ուկրաինացի զինվորականները ՌԴ–ի հատուկ գործողությունների մեկնարկից հետո մոտ 420 ական են տեղադրել Օդեսայի, Օչակովոյի, Չերնոմորսկի և Յուժնիի նավահանգիստների մատույցներում։ Ծառայությունը չի բացառել հոսանքի պատճառով պոկված ականների շարժի հնարավորությունը դեպի Բոսֆորի նեղուց, այնտեղից էլ Միջերկրական ավազանի ծովեր։
ՌԴ ԱԴԾ–ի հաղորդագրությունից հետո Թուրքիայի ՌԾՈւ–ն խնդրել է նավերին հետևել լողացող ականներին։ Թուրքիայի նախագահ Թայիփ Էրդողանը հայտարարել է, որ երկրի ՊՆ–ն անհրաժեշտ միջոցներ է ձեռնարկում Սև ծովում առկա ականների մասին տեղեկության հետ կապված։