ԵՐԵՎԱՆ, 25 մարտի – Sputnik. ՌԴ նախագահ Վլադիմիր Պուտինն այսօր հեռախոսով կզրուցի Հայաստանի վարչապետ Նիկոլ Փաշինյանի հետ: Տեղեկությունը հայտնել է հենց Պուտինը։
«Երևանի մասին ձեր բարի խոսքերը հնարավորություն կունենամ այսօր փոխանցելու Հայաստանի վարչապետին, որի հետ հեռախոսազրույց եմ ունենալու։ Կարծում եմ՝ նրան հաճելի կլինի», - ասել է ՌԴ նախագահը։
Նշենք, որ Պուտինն այսօր շփվել է նախագահական մրցանակների դափնեկիրների հետ, որոնցից մեկը ջերմորեն է արտահայտվել Հայաստանի մասին։
Հիշեցնենք` Պուտինի և Փաշինյանի վերջին հեռախոսազրույցը, ըստ պաշտոնական աղբյուրների, կայացել էր մարտի 16-ին։