ԵՐԵՎԱՆ, 25 մարտի – Sputnik. Երևանի կենդանաբանական այգու տնօրենի ժամանակավոր պաշտոնակատար Արևիկ Մկրտչյանն ազատվել է աշխատանքից: Sputnik Արմենիայի հետ զրույցում տեղեկությունը հայտնեցին Երևանի քաղաքապետարանի լրատվության վարչությունից:
Մկրտչյանն աշխատանքից ազատվել է սեփական դիմումի համաձայն:
Հիշեցնենք, որ Արևիկ Մկրտչյանն այգու տնօրենի պաշտոնակատար էր նշանակվել նախորդ տարվա ամռանը։ Ուշագրավ է այն հանգամանքը, որ 2019-ից այգին տնօրեն չունի։ Այսպես. 2019-ի նոյեմբերին այգու նախկին տնօրեն Ռուբեն Խաչատրյանի աշխատանքից ազատվելուցհետո ԺՊ նշանակվեց Վլադիմիր Սիմոնյանը, ապա Արևիկ Մկրտչյանը։
Հավելենք, որ կենդանիների անկման տարօրինակ դեպքերի հետ կապված` 2018 թվականից այգու աշխատակիցները ժամանակ առ ժամանակ բողոքի ցույցեր են անցկացվում։
Վերջին անկման դեպքը գրանցվել էր փետրվարի 15-ին։ Կենդանաբանական այգու յագուարի սատկելու լուրը հայտնել էր անձամբ տնօրենի ԺՊ–ն։