ԵՐԵՎԱՆ, 22 մարտի - Sputnik. ԱԺ փոխնախագահ Ռուբեն Ռուբինյանը ստիպված եղավ ընդմիջել ԱԺ նիստը` Աշխատանքի և սոցիալական հարցերի նախարարի տեղակալ Դավիթ Խաչատրյանի բացակայության պատճառով։
Վերջինը պետք է հանդես գար զեկուցմամբ` «Պաշտոնատար անձանց գործունեության ապահովման, սպասարկման և սոցիալական երաշխիքների մասին» օրենքում փոփոխություններ և լրացումներ կատարելու մասին հարցի քննարկմանը։
Սակայն, երբ խորհրդարանն անցավ այդ հարցի քննարկմանը, պարզվեց, որ պաշտոնյան նիստին չի ներկայացել։
«Քանի որ պատասխանատու գործելակերպ չենք տեսնում կառավարության մեր գործընկերների կողմից, ես հիմա կհայտարարեմ 20 րոպե ընդմիջում ու քարտուղարությանը կհանձնարարեմ անմիջապես կապվել կառավարության հետ և ասել, որ արագ գան»,– հայտարարեց Ռուբինյանը։
Ընդմիջումից հետո, նիստին ներկայացած փոխնախարարը ներողություն խնդրեց ԱԺ–ից ուշացման համար ու հայտնեց, որ մասնակցելիս է եղել նախարարական կոմիտեի նիստին։
«Տեղեկնալուն պես, եկել եմ այստեղ»,– ասաց Դավիթ Խաչատրյանը։
Նշենք, որ քննարկվող օրինագիծը վերաբերում է իրավապահ մարմինների` քննիչների, դատախազների աշխատանքային կենսաթոշակներին։