ԵՐԵՎԱՆ, 21 մարտի - Sputnik. Մարտի 20-ից 21-ը ԱԻՆ ՓԾ ճգնաժամային կառավարման ազգային կենտրոնում 77 ահազանգ է ստացվել հանրապետության տարբեր տարածքներում արգելափակված ավտոմեքենաների վերաբերյալ:
Այս մասին հայտնում են ՀՀ արտակարգ իրավիճակների նախարարությունից։
Մասնավորապես ավտոմեքենաներն արգելափակվել են Երևանում և Լոռու մարզի Վանաձոր, Սպիտակ, Ստեփանավան քաղաքներում, Հարթագյուղ գյուղում, Գեղարքունիքի մարզի Վարդենիս, Գավառ, Սևան, Նորատուս, Շատջրեք գյուղերում, Վայոց ձորի մարզի Ջերմուկ, Վայք քաղաքներում, Սյունիքի մարզի Կապան, Գորիս, Քաջարան քաղաքներում, Վերին Խոտանան գյուղում, Կոտայքի մարզի Ծաղկաձոր, Հրազդան քաղաքներում, Առինջ, Ձորաղբյուր, Ողջաբերդ, Ջրվեժ գյուղերում, Շիրակի մարզի Արթիկ քաղաքում, Ախուրյան, Ջաջուռ, Արեգնադեմ, Աշոցք գյուղերում, Արագածոտնի մարզի Ապարան, Աշտարակ քաղաքներում, Արագած, Մելիքգյուղ, Գեղաձոր և Ծաղկահովիտ գյուղերում, Երևան-Սևան և Վանաձոր-Դիլիջան ավտոճանապարհներին:
Դեպքի վայր ժամանած փրկարարներն արգելափակումից դուրս են բերել 310 ավտոմեքենա և 653 քաղաքացու ցուցաբերել համապատասխան օգնություն: