ԵՐԵՎԱՆ, 20 մարտի – Sputnik. Ստեփանակերտի քաղաքապետ Դավիթ Սարգսյանը հանձնարարել է մոբիլիզացնել բոլոր ռեսուրսները ձնամաքրման աշխատանքների արդյունավետությունը բարձրացնելու համար, տեղեկությունը հայտնում է Ստեփանակերտի քաղաքապետարանը։
Նշվում է, որ այսօր առավոտյան Սարգսյանը հրավիրել է աշխատանքային խորհրդակցություն՝ քաղաքապետարանի աշխատակազմի պատասխանատուների և համայնքային ընկերությունների տնօրենների մասնակցությամբ։
Քննարկվել են մայրաքաղաքում երկրորդ օրն անընդմեջ տեղացող ձյան հետևանքով առաջացած խնդիրներն ու դրանց լուծման տարբերակները:
Նշենք, որ երեկ Ստեփանակերտում քաղաքային տրանսպորտը չի աշխատել առատ տեղումների պատճառով։