ԵՐԵՎԱՆ, 16 մարտի – Sputnik. Այսօր` մարտի 16-ին, հրդեհ է բռնկվել Երևանի Արշակունյաց պողոտայի տներից մեկի տանիքում (մոտ 60 քմ): Տեղեկությունը հայտնում է ՀՀ ԱԻՆ մամուլի ծառայությունը։
«Ժամը 17։28-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Արշակունյաց պողոտայի թիվ 26 շենքի հետնամասում գտնվող տներից մեկում»,–ասվում է հաղորդագրության մեջ:
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։
Հրդեհը մեկուսացվել է ժամը 18:02-ին, մարվել՝ 18:17-ին: Այրվել են երկու սենյակ (մոտ 30 քմ)՝ գույքով, փայտե կառուցատարրեր (մոտ 60 քմ), որից մոտ 30 քմ հատվածը՝ ջերմահարվել: