ԵՐԵՎԱՆ, 16 մարտի – Sputnik. ԱՄՆ-ն Ռուսաստանի պատճառով աննախադեպ ճնշում է գործադրում Չինաստանի, Թուրքիայի և այլ երկրների վրա։ Այս մասին ՌԲԿ-ին տված հարցազրույցում հայտարարել է Ռուսաստանի ԱԳ նախարար Սերգեյ Լավրովը։
«Պարզապես տգիտություն է, որը Վաշինգտոնն է «արտանետում»։ Չգիտեմ էլ, այն չափազանց է»,–ասել է Լավրովը:
Ռուս նախարարի կարծիքով՝ զարմանալի է, որ նման շանտաժ կիրառում են այնպիսի հնագույն քաղաքակրթությունների նկատմամբ, ինչպիսիք են Չինաստանը, Հնդկաստանը, Եգիպտոսը:
Լավրովը նշել է` Վաշինգտոնը հանձնարարել է իր դեսպաններին համոզել երկրների ղեկավարներին ՌԴ–ի հետ չհամագործակցել։
«Յուրաքանչյուր երկրում ԱՄՆ-ի դեսպաններն ամենօրյա ցուցումներ ունեն երկրի ղեկավարներին վախեցնել, որ չգնեն Ռուսաստանից ոչինչ, չվաճառեն Ռուսաստանին ոչինչ, հրաժարվեն ռուսական ներդրումներից, չշփվեն Ռուսաստանի հետ։ ՌԴ որևէ նախարար, որևէ պատվիրակություն չուղարկեն։ Ես չեմ կատակում։ Ես դա գիտեմ, իմ ընկերները պատմում են այդ մասին»,–ասել է Լավրովը։
Նա հավելել է, որ Մոսկվան այս ամենը չի մոռանա։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Փետրվարի 21–ից սկսած, երբ Վլադիմիր Պուտինը հայտարարեց ԼԺՀ–ն ու ԴԺՀ–ն ճանաչելու որոշման մասին, ԱՄՆ–ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։
Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողություններն ընթանում են արդեն 21–րդ օրը։