ԵՐԵՎԱՆ, 15 մարտի – Sputnik. Բաքվում սպանվել է քիքբոքսինգի աշխարհի չեմպիոն Զաուր Յուսիֆովը, հայտնում է Sputnik Ադրբեջանը։
Նշվում է, որ սպանության պատճառը, ենթադրաբար, արյան վրեժն է եղել։
Յուսիֆովը 2019 թվականին համարվում էր Էմին Սաֆարովի («Էմին 444») սպանության ենթադրյալ պատվիրատուն։ Սակայն ավելի ուշ նա արդարացվել էր դատարանի կողմից։
Յուսիֆովի սպանության մեջ կասկածվող Սամիր Շիրալիևն արդեն կալանավորվել է։ Նա հանգուցյալ «Էմին 444»-ի զարմիկն է։
Շիրալիևի դեմ քրեական գործ է հարուցվել «դիտավորյալ սպանություն» հոդվածով։