ԵՐԵՎԱՆ, 13 մարտի – Sputnik. Ռուսաստանի Դաշնության պաշտպանության նախարարությունը տեսանյութ է հրապարակել հրետանու միջոցով ուկրաինական զորքերի հրամանատարական կետի ոչնչացման մասին։
«ՌԴ ՊՆ-ն հրապարակել է Ուկրաինայի զինված ուժերի դաշտային հրամանատարական կետի ոչնչացման ժամանակ ՌԴ զինված ուժերի հրետանավորների կողմից Կրասնոպոլ բարձր ճշգրտության արկով դիպուկ հարվածի կադրերը»,- ասվում է տեսանյութի նկարագրության մեջ։
Անօդաչու թռչող սարքի տեսանյութը արձանագրել է հրետանային արկի ճշգրիտ հարվածը և թիրախի ամբողջական ոչնչացումը։
Հիշեցնենք, որ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները վճռական և անհապաղ գործողություններ են պահանջում։
Մարտական գործողություններն ընթանում են արդեն 18–րդ օրը։