ԵՐԵՎԱՆ, 9 մարտի – Sputnik. Ռուսաստանի ԱԳՆ պաշտոնական ներկայացուցիչ Մարիա Զախարովան Եվրոպայի «առողջ ուժերին» հորդորել է այլատյացության տարածում թույլ չտալ:
Եվրոպական երկրներում թափ հավաքող ռուսատյացությունը նա «դժոխային ֆլեշմոբ» է անվանել։
«Հուսով ենք, որ եվրոպական երկրներում առողջ ուժերը թույլ չեն տա անպատասխանատու քաղաքական գործիչներին և տեղական լրատվամիջոցներին տեղի բնակիչների մտքում «կույր ատելություն» սերմանել այլ ազգությունների, այլ հայացքների տեր մարդկանց նկատմամբ: Մենք գիտենք, թե ինչով է դա ավարտվում», - ասել է Զախարովան։
Նա նշել է, որ չափազանց շատ հուշարձաններ են ոչնչացվել եվրոպական պետությունների տարածքում ։
«Ի՞նչ է հուշարձանը։ Արմատը «հուշ»–ն է: Այդ պատճառով ոչինչ չեն հիշում։ Գրքեր էլ վաղուց արդեն չեն կարդում», - հավելել է Ռուսաստանի ԱԳՆ ներկայացուցիչը՝ նկատի ունենալով Արևելյան Եվրոպայի պետություններում Երկրորդ համաշխարհային պատերազմի ժամանակ զոհված խորհրդային զինվորների հուշարձանների պահպանության խնդիրը։
Նշենք, որ Ուկրաինայում Ռուսաստանի հատուկ գործողության անցկացման ֆոնին եվրոպական շատ երկրներում սկսել են ճնշել ռուսներին։ Խտրականության են ենթարկվում ոչ միայն մեծահասակները, այլև երեխաները։