ԵՐԵՎԱՆ, 8 մարտի – Sputnik. Հայտնի երգչուհի Սիլվա Հակոբյանը երկրորդ անգամ մայր կդառնա։ Տեղեկությունը Սիլվան հայտնել է Instagram-ի իր էջում ու հուզիչ տեսանյութ հրապարակել։
Կադրերում երգչուհու ամուսինը` գործարար Նորայր Մանուկյանն իմանում է, որ երկրորդ անգամ հայր է դառնալու։
«Հունվարի 28-ին մեկնել էի Քաջարան՝ մասնակցելու Հայոց Բանակի տոնին նվիրված միջոցառմանը։ Ու հենց այդ օրն էլ իմացա, որ երկրորդ անգամ եմ մայրանալու։ Որոշեցի տեղ հասնելուն պես անակնկալ մատուցել ամուսնուս»,–տեսանյութին կից գրել է երգչուհին։
Դատելով Նորայրի արձագանքից և «Հայ զինվոր» արտահայտությունից, կարելի է ենթադրել, որ զույգը տղա է ունենալու։
Երգչուհու էջի հետևորդները բազմաթիվ շնորհավորանքներ ու բարեմաղթանքներ են գրել։
«Հրաշքը հենց այս տեսքն ունի», «Ինչքան լավն եք, բարի ու պարզ։ Երջանիկ եղե՛ք», «Աշխարհի ամենալավ նվերը»,–գրել են նրանք։
Նշենք, որ զույգի առաջնեկը` Միլան, երկու տարեկան է։