ԵՐԵՎԱՆ, 5 մարտի – Sputnik. Ալագյազ-Ապարան ավտոճանապարհին այսօր վթար է տեղի ունեցել, որի հետևանքով 6 մարդ է տուժել։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։
Ըստ հաղորդագրության` Ալագյազ-Ապարան ավտոճանապարհի 2-րդ կմ-ին Էջմիածին-Վանաձոր երթուղին սպասարկող «GAZel»–ը ժամը 11։00-ի սահմանում բախվել է«Nissan» մակնիշի ավտոմեքենային։
Փրկարարները հոսանքազրկել են ավտոմեքենաները, փակել «GAZel» մակնիշի ավտոմեքենայի գազի բալոնի փականը, «GAZel» մակնիշի ավտոմեքենայից դուրս բերել մեկ տուժածի և մոտեցրել շտապօգնության ավտոմեքենային, ևս 5 տուժած հոսպիտալացվել են Ապարանի ԲԿ: