Արտակարգ դեպք Երևանում. «Ապավեն» ընկերությունում քաղաքացին նռնակ է պայթեցրել

ԵՐԵՎԱՆ, 2 մարտի – Sputnik. Երևանում` Արարատյան 43 հասցեում, այսօր պայթյուն է գրանցվել։ Տեղեկությունը հայտնում է shamshyan.com–ը։

Ըստ հաղորդագրության` ոստիկանության Շենգավիթի բաժինը պայթյունի մասին ահազանգը ստացել է ժամը 19:20–ի սահմանում։

Ըստ նախնական տեղեկությունների՝ մի քաղաքացի նշված հասցեում գործող «Ապավեն» ընկերությունում մարտական նռնակ է պայթեցրել։ Նա վնասազերծվել է և տեղափոխվել ոստիկանության Շենգավիթի բաժին:

Պայթյունի հետևանքով վնասվել է «Mercedes» մակնիշի 05 ML 550 համարանիշի ավտոմեքենան, հայտնաբերվել են նաև արնանման հետքեր: