Արցախի նախագահը հարգանքի տուրք է մատուցել Սումգայիթի ջարդերի զոհերի հիշատակին

ԵՐԵՎԱՆ, 28 փետրվարի – Sputnik. Արցախի Հանրապետության նախագահ Արայիկ Հարությունյանը փետրվարի 28-ին Սումգայիթի ջարդերի 34-րդ տարելիցի առթիվ այցելել է Ստեփանակերտի քաղաքային հուշահամալիր։

Տեղեկությունը հայտնում է Արցախի նախագահի աշխատակազմի մամուլի ծառայությունը։

Հարությունյանը ծաղիկներ է խոնարհել անմեղ զոհերի հիշատակը հավերժացնող հուշակոթողին:

Հիշեցնենք` 1988թ. փետրվարի 26-29–ը Բաքվից 20 կիլոմետր հեռավորության վրա գտնվող Սումգայիթ քաղաքում ադրբեջանական իշխանությունները սկսեցին տեղի հայ բնակչության բնաջնջումը, որն ուղեկցվեց զանգվածային թալանով և ոչնչացմամբ:

Պաշտոնական տվյալներով՝ զոհվել է 26 հայ, ոչ պաշտոնական տվյալներով՝ զոհերի թիվը մի քանի հարյուր է։