ԵՐԵՎԱՆ, 27 փետրվարի – Sputnik. ՌԴ նախագահ Վլադիմիր Պուտինը հանդիպել է ՌԴ պաշտպանության նախարար Սերգեյ Շոյգուի և ՌԴ ԶՈւ ԳՇ պետ Վալերի Գերասիմովի հետ։
Ինչպես հայտնում է ՌԻԱ Նովոստին, Պուտինը ռազմական ուժերի պատասխանատուներին հանձնարարել է ռուսական ռազմավարական զսպման ուժերը բերել մարտական հատուկ ռեժիմ։
«Արևմտյան երկրները ոչ լեգիտիմ պատժամիջոցներ են կիրառում մեր երկրի նկատմամբ, ոչ միայն քայլեր են ձեռնարկում տնտեսության նկատմամբ, խոսքը հայտնի սահմանափակումների մասին է, այլև ՆԱՏՕ-ի բարձրաստիճան պաշտոնյաները ագրեսիվ հայտարարություններ են անում Ռուսաստանի դեմ։ Հետևաբար, պաշտպանության նախարարին և Գլխավոր շտաբի պետին հանձնարարում եմ ռուսական ռազմավարական զսպիչ ուժերը բերել մարտական հերթապահության հատուկ ռեժիմ»,– ասել է Պուտինը։
Փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ որոշում է կայացրել Ուկրաինայի նկատմամբ հատուկ ռազմական գործողության մասին, քանի որ ԼԺՀ-ի և ԴԺՀ-ն դիմել են օգնության խնդրանքով։ Ռուսաստանցիներին ուղղված հեռուստաուղերձում նա ասաց, որ հանգամանքները պահանջում են վճռական և անհապաղ գործողություններ։
Ավելի ուշ ՌԴ ՊՆ-ն ընդգծեց, որ Ռուսաստանի զինված ուժերը ոչ մի հրթիռային, ավիացիոն կամ հրետանային հարված չեն հասցնում Ուկրաինայի քաղաքներին. խոցման բարձր ճշգրտության միջոցներով շարքից դուրս են բերվում ռազմական ենթակառուցվածքները, ՀՕՊ օբյեկտները, ռազմական օդանավակայանները և ավիացիան: