ԵՐԵՎԱՆ, 27 փետրվարի – Sputnik. Պատժամիջոցները, որոնք Արևմուտքը սպառնում են կիրառել Ռուսաստանի միջազգային պահուստների նկատմամբ, փաստացի ուրիշի ունեցվածքի գողություն են լինելու։ ՌԻԱ Նովոստիի հետ զրույցում նման կարծիք է հայտնել Պետդումայի ֆինանսական շուկայի հարցերով կոմիտեի ղեկավար Անատոլի Ակսակովը:
Ավելի վաղ Եվրահանձնաժողովի ղեկավար Ուրսուլա ֆոն դեր Լյայենը հայտարարել էր, որ ԵՄ-ի հետ միասին, ԱՄՆ-ն, Մեծ Բրիտանիան ու Կանադան կսառեցնեն Ռուսաստանի Կենտրոնական բանկի ակտիվները։ Իսկ ամերիկյան վարչակազմի ներկայացուցիչն ասել է, որ ԱՄՆ-ն ու նրա դաշնակիցները ծրագրում են ՌԴ ԿԲ-ի դեմ այնպիսի միջոցներ կիրառել, որոնք թույլ չեն տա նրան օգտագործել իր տրամադրության տակ եղած պահուստները՝ ռուբլուն աջակցություն ցուցաբերելու ու պատժամիջոցները փոխհատուցելու համար։
«Դա իրականում գողությունն է, փաստացի ուրիշի ունեցվածքը հափշտակվում է», - մեկնաբանել է Ակսակովը:
Նա հիշեցրել է, որ Ռուսաստանը համաշխարհային տնտեսության անբաժանելի մասն է։ «Եվ, բնականաբար, դա նշանակում է ֆինանսական զարկերակները կտրել է։ Եվ ակնհայտ է, որ դա ցավոտ է տնտեսական օրգանիզմի համար», - ավելացրել է պատգամավորը։
Ռուսաստանի ԿԲ-ի տվյալներով՝ Ռուսաստանի միջազգային պահուստները փետրվարի 18-ի դրությամբ թարմացրել են պատմական առավելագույն ռեկորդը՝ հասնելով 643,2 մլրդ դոլարի: Հունիսի 30-ին դրությամբ դոլարային ակտիվների մասնաբաժինն ընդհանուր պորտֆելում կազմել է 16,4%, եվրոն՝ 32,3%, յուանը՝ 13,1%, ֆունտ ստեռլինգը՝ 6,5%, այլ արժույթները՝ 10%: Ոսկու չափաբաժինը 21,7% է։
Այսօր Ռուսաստանի Կենտրոնական բանկը հայտարարություն է տարածել, որում մասնավորապես ընդգծել է, որ ունի անհրաժեշտ պաշարներ ու գործիքներ ֆինանսական կայունության պահպանման և ֆինանսական հատվածի գործառնական անընդհատության ապահովման համար: