ԵՐԵՎԱՆ, 26 փետրվարի – Sputnik. Ռուսաստանի Առաջին ալիքը, ВГТРК-ն և «Ռադիոտուն Օստանկինո»-ն հայտարարել են Եվրոպական հեռարձակողների միությունից դուրս գալու մասին՝ որպես պատասխան միջոց «Եվրատեսիլ-2022» երգի մրցույթից Ռուսաստանին հեռացնելուն։
«Եվրոպական հեռարձակողների միության անդամակցության դադարեցումից առաջ վերջին կաթիլը դարձավ Ռուսաստանին Եվրատեսիլից հեռացնելու որոշումը», - ասված է հեռարձակողների հայտարարության մեջ:
Հեռարձակողները մրցույթից հեռացումը գնահատում են որպես անհարկի քաղաքական զոհաբերություն մի երաժշտական ֆորումում, որը միշտ ընդգծել է իր ապաքաղաքական կարգավիճակը:
Ռուսաստանի հեռացումը «Եվրատեսիլի» հետ կապված նման որոշումներից վերջինն է, բայց ոչ առաջինը։ 2016 թվականին հաղթեց «1944» երգը, որը բացահայտ քաղաքական մանիֆեստ էր։ Ընդ որում, մի քանի տարի անց մրցույթի կազմակերպիչները որակազրկեցին Բելառուսին («Ես կսովորեցնեմ քեզ» երգը)՝ հենց քաղաքականությունը պատճառ բերելով։
Սա ընդամենը երկու օրինակ է նմանատիպ դեպքերի երկար շարքից, երբ մրցույթի կազմակերպիչները «քաղաքականություն» տերմինի մեկնաբանությանը ոչ օբյեկտիվորեն և ընտրողաբար են մոտեցել։ Եվրամիության կամքը կատարելով, այն դեպքում, երբ ЕВС-ի անդամների կեսը Եվրամիության անդամ չեն։ EBC-ը վերածվել է ակումբի, որի մասնակիցները անհավասար պայմաններում են: Եվ մենք մեզ համար անհնար ենք համարում հետագայում էլ մնալ այնտեղ»,-ասված է հայտարարության մեջ։
Հեռարձակողների հայտարարությունը ստորագրել են ՌԴ Առաջին ալիքի գլխավոր տնօրեն Կոնստանտին Էռնստը, ВГТРК-ի (Համառուսաստանյան պետական հեռուստատեսային և ռադիոհեռարձակման ընկերություն) գլխավոր տնօրեն Օլեգ Դոբրոդեևը և «Ռադիոտուն Օստանկինո» ընկերության ներկայացուցիչ, Ռուսաստանի պետական երաժշտական հեռուստառադիոկենտրոնի գլխավոր տնօրեն-գեղարվեստական ղեկավար Իրինա Գերասիմովան:
Նախօրեին Եվրոպական հեռարձակողների միությունը հայտնել էր, որ Ռուսաստանն այս տարի չի մասնակցի երգի մրցույթին։ Կազմակերպությունն այդ որոշումը բացատրում է Ուկրաինայի ճգնաժամի հարցում մտահոգությամբ և այն հանգամանքով, որ Ռուսաստանը կարող է «վնաս հասցնել» Եվրատեսիլի հեղինակությանը: