ԵՐԵՎԱՆ, 25 փետրվարի – Sputnik. Երևանից Ստեփանակերտ անվճար ուղևորափոխադրում իրականացնող տրանսպորտը փոխել է աշխատանքային գրաֆիկը։ Այս մասին հայտնում է Հայաստանում Արցախի կառավարության օպերատիվ շտաբը։
«Փետրվարի 28-ից Երևան-Ստեփանակերտ երթուղով ուղևորափոխադրումները կկազմակերպվեն առավոտյան ժամը 5:00-ին` երկուշաբթի, հինգշաբթի և շաբաթ օրերին», - ասված է հաղորդագրության մեջ:
Նշենք, որ ներկայում ուղևորափոխադրումներն իրականացվում են ամենօրյա ռեժիմով: Անհրաժեշտ է նախապես ամրագրել տեղերը զանգահարելով 010 56-53-70 հեռախոսահամարով:
ՀՀ-ում Արցախի կառավարության օպերատիվ շտաբը արցախցիների ուշադրությունն է հրավիրում Երևան-Ստեփանակերտ ուղևորափոխադրող ավտոբուսների նոր կարգի մասին Երևանի կենտրոնական ավտոկայանի հայտարարությանը: