ԵՐԵՎԱՆ, 22 փետրվարի – Sputnik․Մոսկվան չի ցանկանում խզել դիվանագիտական հարաբերությունները Կիևի հետ։ ՌԻԱ Նովոստիի փոխանցմամբ, հայտարարել է Ռուսաստանի փոխարտգործնախարար Անդրեյ Ռուդենկոն՝ մեկնաբանելով Ուկրաինայի նախագահ Վլադիմիր Զելենսկու խոսքերը դիվանագիտական հարաբերությունների հնարավոր խզման մասին։
«Մենք նման որոշման մասին չենք մտածում, դա մեր ընտրությունը չէ»,- ընդգծել է դիվանագետը:
Նշենք, որ ավելի վաղ Զելենսկին հայտարարել էր, որ Ուկրաինան կարող է խզել դիվանագիտական հարաբերությունները Ռուսաստանի հետ։
Իրավիճակը Դոնբասում վերջին օրերին սրվել է, ինքնահռչակ ԴԺՀ-ն և ԼԺՀ-ն հայտարարել են Ուկրաինայի ուժայինների կողմից բազմաթիվ գնդակոծությունների մասին։ Երկու հանրապետությունների ղեկավարները հայտարարել են քաղաքացիների ժամանակավոր տարհանման մասին Ռոստովի մարզ՝ կապված Ուկրաինայի ներխուժման սպառնալիքի հետ։ Փետրվարի 19-ին ԼԺՀ-ի և ԴԺՀ-ի առաջնորդները համընդհանուր զորահավաքի հրամանագրերն են ստորագրել, ապա դիմել են ՌԴ-ին՝ ճանաչման խնդրանքով։
Ռուսաստանի նախագահ Վլադիմիր Պուտինը փետրվարի 21-ին դիմեց ռուսաստանցիներին և հայտարարեց ԼԺՀ-ի և ԴԺՀ-ի ինքնիշխանությունը ճանաչելու իր որոշման մասին: Նա հայտարարեց, որ Արևմուտքը շանտաժի է ենթարկում Ռուսաստանին՝ սպառնալով պատժամիջոցներով, սակայն դրանց համար առիթ միշտ էլ կգտնվի կամ կհնարվի։ Կոչից անմիջապես հետո ՌԴ նախագահը Կրեմլում ստորագրեց ԼԺՀ-ի և ԴԺՀ-ի ճանաչման մասին հրամանագրերը։