ԵՐԵՎԱՆ, 19 փետրվարի – Sputnik. Գործարար, ՀՀ ԱԺ նախկին պատգամավոր Սամվել Ալեքսանյանը տիկնոջ` Շողերինա Մկրտչյանի և երեխաների հետ Հնդկաստանում հարսանիքի է մասնակցել։
Գործարարի կինն Instagram–ի stories բաժնում տեսանյութեր է հրապարակել օդանավակայանից, որտեղ նրանց երգ ու պարով են դիմավորել։
Տեսանյութեր է հրապարակել նաև դուստրերից մեկը` Աստղիկ Ալեքսանյանը։
«Հայերն ու հնդիկները. 26 տարվա ընկերություն է։ Հաջողություններ եմ մաղթում ձեր ընտանիքին»,– գրել է նա։
Հարսանիքին հնչել են ինչպես հնդկական, այնպես էլ հայկական երգեր։ Հյուրերը պարել են Արման Հովհաննիսյանի, ինչպես նաև Սպիտակցի Հայկոյի ու Սուպեր Սաքոյի երգերի տակ։