Ռոստովի մարզի Տարասովսկի շրջանի տարածքում` Ուկրաինայի և ՌԴ պետական սահմանից մեկ կմ հեռավորության վրա, պայթյուն է որոտացել, ենթադրվում է, որ արկ է պայթել։ Դեպքը գրանցվել է 4:00–ին Միտյակինսկայա գյուղի տներից մեկի մոտակայքում` 300 մետրի վրա։
Ինչպես երևում է լուսանկարում, տարածքը սահմանազատվել է։ Այն գտնվում է գյուղական ճանապարհին։ Ավելի վաղ հայտնել էին, որ այնտեղ ուժային գերատեսչությունների աշխատակիցներ են աշխատում։
Ուկրաինայի հետ սահմանից ոչ հեռու Ռոստովի մարզում արկի ընկնելու վայրից կադրեր
© RIA Novosti
Կիևի հարձակման վտանգի պատճառով երեկ քաղաքացիներին սկսել են տարհանել Ռոստովի մարզ։ Չճանաչված հանրապետությունների տվյալներով` ուկրաինական կողմը նախատեսում է ներխուժել ԼԺՀ և ԴԺՀ տարածք։ Այսօր այդ հանրապետությունների առաջնորդները համընդհանուր զորահավաքի հրամանագրեր են ստորագրել։