ԵՐԵՎԱՆ, 18 փետրվարի – Sputnik. Շվեյցարիան պատրաստ է ընդունել Ռուսաստանի արտգործնախարար Սերգեյ Լավրովին և ԱՄՆ պետքարտուղար Էնթոնի Բլինկինին։ Հանդիպման կազմակերպման մանրամասները, սակայն, չեն բացահայտվում, ՌԻԱ Նովոստիին հայտնել է արտաքին գործերի դաշնային դեպարտամենտի պաշտոնական ներկայացուցիչ Պյեր-Ալեն Էլչինգերը:
Բլինկենն առաջարկել էր Լավրովին հանդիպել հաջորդ շաբաթ. հանդիպման վայր ամերիկյան կողմը դիտարկել է Ժնևը։
«Շվեյցարիան պատրաստ է առաջարկել իր ծառայությունները, եթե դրանք օգտակար կլինեն կողմերին։ Դա ներառում է նաև ընդունող կողմի գործառույթների կատարումը կամ աջակցությունը, քննարկումների և հանդիպումների կազմակերպումը», - հայտնել է ԱԳՆ ներկայացուցիչը։
Նա տեղեկություններ չի տրամադրել, թե արդյոք հանդիպում կազմակերպելու վերաբերյալ հարցումներ են ստացվել՝ պատճառաբանելով դա գաղտնիության նկատառումներով։
Նշենք, որ Լավրովը և Բլինկենը վերջին անգամ Ժնևում բանակցություններ են վարել հունվարի 21-ին: