Լալայան, Մինասյան, Մարտիրոսյան. հայտնի ծանրորդները պատվո պատվանդանին՝ կողք-կողքի

ԵՐԵՎԱՆ, 6 փետրվարի – Sputnik, Խաչիկ Չախոյան. Ավարտվեց ծանրամարտի Հայաստանի առաջնությունը։ Մրցումների վերջին օրը գերծանր քաշային կարգում հաղթող է դարձել Վարազդատ Լալայանը, որը շրջանցել է օլիմպիական խաղերի արծաթե մեդալակիրներ Գոռ Մինասյանին և Սիմոն Մարտիրոսյանին։

Ծանրամարտի Հայաստանի առաջնությունը այս անգամ անցավ անհամեմատ հետաքրքիր պայքարում։ Իհարկե նկատի ունենք այն քաշային կարգերը, որոնցում հայ ծանրորդները մրցունակ են միջազգային խոշոր մրցումներում։ Միևնույն ժամանակ երիտասարդների առաջխաղացումը մյուս քաշային կարգերում նույնպես ուշադրության կենտրոնում էր։

Քանի որ Փարիզի 2024 թվականի օլիմպիական խաղերում տղամարդկանց և կանաց մրցումններում հաղթողները որոշվելու են հինգ քաշային կարգերում, մեր հավաքական թիմերում ներկայումս ամենամեծ ուշադրությունը այդ քաշային կարգերի վրա է։

Տղամարդկանց մրցումներում հանրապետության չեմպիոնի կոչումը ըստ քաշային կարգի նվաճեցին՝ Մացիկ Հակոբյանը (55կգ), Անդրանիկ Պապեյանը (61կգ), Գոռ Սահակյանը (67կգ), Արմեն Գրիգորյանը (73կգ), Ռաֆիկ Հարությունյանը (81կգ), Հակոբ Մկրտչյանը (89կգ), Դավիթ Հովհաննիսյանը (96կգ), Արսեն Մարտիրոսյանը (102կգ), Սամվել Գասպարյանը (109 կգ)։ Տղամարդկանց Հայաստանի առաջնությանն ընդհանուր առմամբ 130 ծանրորդ էր մասնակցում 10 քաշային կարգերում:

Առաջնությունը նշանավորվեց Հռիփսիմե Խուրշուդյանի մրցահարթակ վերադառնալով։ Անվանի ծանրորդը հանդես եկավ 87 կգ քաշային կարգում և դարձավ հաղթող։ Հայաստանի չեմպիոնի կոչումը կանանց մրցումներում նվաճեցին նաև Նատալյա Սարգսյանը (45 կգ), Գյուլնարա Տիգրանյանը (49 կգ), Ալեքսանդրա Գրիգորյանը (55 կգ), Իզաբելա Յայլյանը (59 կգ), Վալենտինա Մովսիսյանը (64 կգ), Մարիամ Միքայելյանը (71 կգ), Միլենա Խաչատրյանը (76 կգ), Տաթև Հակոբյանը (81 կգ) և Ջուլիետա Ավանեսյանը (87+ կգ):