ԵՐԵՎԱՆ, 4 փետրվարի – Sputnik. Գամալեայի անվան համաճարակաբանության և մանրէաբանության գիտահետազոտական ինստիտուտի գլխավոր աշխատակից Անատոլի Ալտշտեյնը կարծում է, որ կորոնավիրուսի «Դելտա» մանրէահիմքով վարակվելուց հետո հնարավոր է վարակվել «Օմիկրոնով»: Տեղեկությունը հայտնում է riafan.ru–ն։
««Դելտա» շտամը հաղթահարած մարդը հազիվ թե անմիջապես վարակվի «Օմիկրոնով»։ «Դելտայի» ձևավորած իմունիտետը անպայման կպաշտպանի։ Եվ եթե մարդը կրկին վարակվի, ապա նրա մոտ այլ կերպ կընթանա հիվանդությունը», - ասել է Ալտշտեյնը։
Նա ընդգծել է, որ որոշ ժամանակ անց «Դելտայի» իմունիտետը կթուլանա, և «Օմիկրոնը» կներթափանցի մարդու օրգանիզմ։