ԵՐԵՎԱՆ, 3 փետրվարի – Sputnik. Կիևում Թուրքիայի և Ուկրաինայի նախագահներ Ռեջեփ Թայիփ Էրդողանի ու Վլադիմիր Զելենսկու երկկողմ հանդիպումը տևել է 3 ժամ 10 րոպե: Այս մասին հայտնում է A Haber հեռուստաալիքը ։
«Պաշտոնական այցով Կիևում գտնվող նախագահ Էրդողանը երկկողմ հանդիպում է ունեցել Զելենսկու հետ։ Հանդիպումը տևել է 3 ժամ 10 րոպե», - հայտնում են ԶԼՄ-ները ։
Ուկրաինայի նախագահի Facebook-ի պաշտոնական էջում հաղորդվում է, որ Ուկրաինան և Թուրքիան ազատ առևտրի գոտու մասին համաձայնագիր են ստորագրել: