Չինաստանում Նոր տարին ամենագլխավոր և ամենասիրելի տոներից մեկն է, երբ ընտանիքի բոլոր անդամները հավաքվում են մի սեղանի շուրջ, նույնիսկ եթե դրա համար ստիպված լինեն հաղթահարել հարյուրավոր կիլոմետրեր:
Նոր տարվա առաջին օրը չինացիները սկսում են հրավառությամբ և խնկավառությամբ։ Ըստ առասպելի՝ հրավառությունը պետք է վախեցներ չար ոգիներին և հենց դրանով ընտանիքի կողմն ուղղեր խաղաղության և երջանկության ոգիների ուշադրությունը։
Չինաստանում գարնան տոնը (Չունցզե) ավանդաբար նշում են առնվազն երկու շաբաթ: Չունցզեի տոնակատարության ավանդույթներն ավելի քան չորս հազար տարվա պատմություն ունեն։
Այս տարի տոնը սկսվել է հունվարի 31 - ին ու կավարտվի փետրվարի 15 - ին՝ լապտերների տոնով։
Հատկանշական է, որ փետրվարի 1-ին Չինաստանում ոչ թե 2022 թվականն են նշում, այլ 4720-ը։