ԵՐԵՎԱՆ, 1 փետրվարի- Sputnik. Շատ մարդիկ քաշի հետ կապված խնդիրներ ունեն, բայց որոշակի պատճառներից ելնելով չեն հաճախում մարզասրահ։ Հայաստանում աշխատող մարզիչները նման դեպքերում առաջարկում են օնլայն մարզումներ՝ մարզասրահում գործող փաթեթներին մոտ գներով։ Մինչդեռ այսօր համացանցը լայն հնարավորություն է ընձեռնում լրիվ անվճար մարզվել տանը՝ պրոֆեսիոնալ մարազչի ցուցումներով։
Ռուսաստանում ճանաչված մարզիչ Անաստասիա Կոլսանովան տևական ժամանակ է, ինչ անվճար մարզումներ է անցկացնում Instagram-ի իր էջի ուղիղ եթերի միջոցով։ Նա հորդորում է մարզումները սկսել ամենասկզբում հրապարակված տեսանյութերի ցուցումներով, որպեսզի նոր վարժությունների համար օրգանիզմն արդեն պատրաստ լինի։
Այս անգամ Անաստասիան առաջարկում է հասարակ սրբիչի օգնությամբ վարժություններ կատարել ձիգ ձեռքերի և որովայնի ստորի հատվածի մկանների համար։ Շատերին հետաքրքրում է, իսկ ինչո՞ւ սրբիչի, այլ ոչ թե ֆիթնես ռեզինների կամ ծանրաքարերի օգնությամբ։ Մարզիչը բացատրում է՝ որպեսզի ավելորդ մկանային զանգված չհավաքվի ձեռքերում և դրանք լինեն նույնքան կանացի, միայն թե ձիգ։
Մարզումները տևում են 1 ժամ, որը բավարար է քաշի կորոստի համար։ Ֆիզիկական վարժությունները համադրելով առողջ սննդի հետ` կարելի է զգալի արդյունքի հասնել ընդամենը մի քանի ամսում։
Նշենք, որ մարզումներին կարել է հետևել երկուշաբթի, չորեքշաբթի, ուրբաթ Մոսկվայի ժամանակով 11,30-ին։