ԵՐԵՎԱՆ, 31 հունվարի – Sputnik. Այսօր հայտնաբերվել է Քարվաճառում կորած ավագ լեյտենանտ Ֆուադ Բագիրովի մարմինը։ Տեղեկությունը հայտնում է Sputnik Ադրբեջանը։
Հունվարի 29-ին Ադրբեջանի պաշտպանության նախարարության մամուլի ծառայությունը հայտնել էր, որ Ալ լճի շրջանում ձնաբքի պատճառով 4 զինծառայող շեղվել են ճանապարհից և մոլորվել:
Որոնոմների արդյունքում 3–ին գտել էին ու տեղափոխել զինվորական հոսպիտալ։
Չորրորդը Ֆուադ Բագիրովն էր։
Հիշեցնենք` Քարվաճառը 44–օրյա պատերազմից հետո անցել է Ադրբեջանի վերահսկողության տակ։