ԵՐԵՎԱՆ, 29 հունվարի – Sputnik. Պատվաստումը մնում է COVID-19-ից պաշտպանվելու ամենահուսալի միջոցը, սակայն վիրուսի դեմ պայքարելու համար կարելի է ինքնուրույն ամրապնդել իմունիտետը։ Այս մասին «Ռոսիա 1» հեռուստաալիքի եթերում հայտարարել է բժիշկ և հեռուստահաղորդավար Ալեքսանդր Մյասնիկովը:
Դրա համար բժիշկը խորհուրդ է տվել ընկույզ ուտել։
«Եթե հարցնեք, թե ինչ կարելի է ուտել, որպեսզի COVID-19–ով չհիվանդանաք կամ արագ վերականգնվեք, ապա պատասխանը կլինի` այդ թվում ընկույզ»,- ասել է բժիշկը:
Փորձագետը բացատրել է, որ կան մի շարք ապրանքներ, որոնք նվազեցնում են մարմնի բորբոքման գործընթացները` նվազեցնելով C-ռեակտիվ սպիտակուցը: Մյասնիկովի խոսքով՝ հենց ընդեղենն է գլխավորում այդ ցուցակը։
Բժիշկը նշել է, որ սննդի մեջ ընկույզի սպառումը կօգնի նվազեցնել «վատ» խոլեստերինը կամ կդառնա սրտանոթային հիվանդությունների կանխարգելման միջոց։ Մյասնիկովն ընդգծել է, որ գիտական հետազոտությունները հաստատում են ընկույզների օգտակար հատկությունները:
Այնուամենայնիվ, կորոնավիրուսի դեմ առավել արդյունավետ պաշտպանության միջոցը մնում է պատվաստանյութը։
ՌԴ առողջապահության նախարար Միխայիլ Մուրաշկոն ընդգծել է, որ COVID-19–ով հիվանդների մեծ մասը, որոնք մտնում են ռուսական հիվանդանոցներ, պատվաստված չեն: